Jou Colesberg akkommodasie opsie.

Gallery

Jan en Louise Augustyn, die gashere van die Guinea-Fowl Gastehuis in Colesberg, nooi jou uit om in 'n rustige omgewing weg van die gewoel van die hoofstraat gasvryheid van die Karoo te ervaar. Baie stil! Ons gaste word menigmaal ons vriende en kom weer terug wanneer hulle in Colesberg oornag.

Elke kamer het 'n en-suite badkamer en sy eie buite ingang. Tee/koffie plekkie in al die kamers, asook 'n yskas. Dak waaiers vir die somer en elektriese komberse en verwarmers vir die winter. ’n Volle ontbyt of kontinentale ontbyt kan in die eetkamer bedien word, op aanvraag.

Gaste kan ontspan of TV kyk in die ruim TV-kamer. Die pragtige tuin bied ook baie stil hoeke om in stil te word en daar is ruimte vir die kinders om rond te hardloop. Stap afstand van al die restaurante in die dorp.
Waarheen jy ook al mag gaan, wanneer jy by Colesberg uitkom is jy halfpad daar. Gebruik die tyd om te ontspan en slaap oor by die Guinea-Fowl Gastehuis. Veilige parkering op die perseel, reg buite jou kamer.

Bel Jan of Louise die volgende keer wanneer jy oornag akkommodasie in Colesberg nodig het.

So, wanneer jy moeg word, stop en rus by ons, jy verdien dit.

Guinea-Fowl Gastehuis is AA - aanbeveel.
 

Enkel R290pp

Volwassenes wat deel R 240pp
Kinders onder 12 wat met ouers deel R 150pp

Ontbyt steeds R50pp en opsioneel

Kontak ons

Vanaf Pretoria
Sowat 1Km na’ die Shell Ultra-city sal jy die af rut kry na Colesberg. Hierdie pad word dan Kerkstraat. Bly op hierdie pad totdat dit teen die groot NG kerk vasloop. Draai by die kerk regs en hou dan met die pad aan totdat dit teen die Gereformeerde Kerk (die klipsteen gebou) stop. Draai by die kerk lings en volg ’n kort grondpaadjie. Hierdie paadjie loop op sy einde reg in die Guinea-fowl gastehuis in.

Vanaf Kaapstad
Draai van die N1 af by die Engen Garage/Wimpy en neem die pad oor die brug om in Colesberg te kom. Hou met hierdie pad aan totdat jy verby die groot NG Kerk ry. Hou dan vêrder reguit aan verby die NG Kerk totdat jy teen die Gereformeerde Kerk (die klipsteen gebou) stop. Draai by die kerk lings en volg ’n kort grondpaadjie. Hierdie paadjie loop op sy einde reg in die Guinea-fowl gastehuis in.

To 44 Stockenstroom Street, Colesberg, NC, 9795, ZA